می گیلان

تاریخ, موسیقی, فرهنگ, جغرافی, زبان, شعر و مسایل روزمره گیلان

گیله مردی؟

Posted by صابر در سپتامبر 4, 2009

ایمرو ایته جی جقلانی مره خیابانه قدم زئیم، حرف زئیم درباره ی تاریخ گیلان و گیلان و … خیلی گیله مرد گیله مرد کودی، ایته از امی رفقانم بیدئیم کی اونم امی مانستن گیلانه دوس داره. اونم فارسه بوگوفته سلام گیل مرد. هیچی هتو بوگوذشته تا ان کی انه رفئق(موئنث) انه زنگ بزه. انم شروع بوکود اونی مره حرف زئن. ولی ننم چره من هیچ نشانی از او گیله مرد 2 دقیقه پیش نیدم. تومام ترانیانه مانستن حرف زئی. انی گب زئن کی تمامه بوست انه بوگوفتم

«ره! انقذر گیله مرد کودی هن بو؟ اینفره مره حرف زنی  وا تی گیله مردیه جیگا بدی؟» مره بوگوفته «ان فرق کونه.» بوگوفتم «چی فرقی کونه؟» بوگوفته کی «ا جماعت مره فارسیه بخوایی  لهجه مره یم حرف بزنی، اتو به ننم اوتو به.» انه بوگوفتم «پس تو خجاله کشی تی گیله مردیه غریبه ی نشان بدی. یا گیله مرد ایسی و تی گیله مردیه ایفتخار کونی یا ان کی، نی یی و خجاله کشی کی گیله مرد ببی، کویتایی؟» مره بوگوفت «من گیله مردم.» منم انه بوگوفتم «خا چره پس انه جیگا دئی. اگر تو بیگانه مره ایسایی دلیل نبه تی اصله فراموش بوکونی. خو سره تاوادا بیجیر مره بوگوفت» ok».

از اوجایی کی امن فست فود نتنیم بی شیم، نیم ساعت بعد بوشوئیم جگرکی(سبزه میدانه بازارچه، رشت دورون) . اویه دوباره انی رفق انه زنگ بزه. ایسفره انی کاران فرق کودی. انه رفقم فکر بوکو کی ان اونه مره شوخیه دره. فکر نوکونم اگر انی رفق بفهمه کی ان شوخی نوکونه و خایه گیله مرد ببه، ده انی مره خو رفاقت ایدامه بده.(چه بی کلاس)

به هر حال انه بوگوفتم کی دره بوگویم تا دیوارم بشتاوه. اگر شومان گیلکید و ایته غیر گیلکه دینید نوا شیمی ایصالته جختره دید. گیله مرد اونی ایسه کی خو گیله مردیه حفظ بکونه چی غریبه بیجا چی آشنا. چی رشت، چی لاهیجان، چی تران، چی نیو یورک، احیاناً چی مریخ.

3 پاسخ to “گیله مردی؟”

  1. باران said

    سلام گیله مرد؛ شومه اونقد توند به روز کؤنید که آدم نرسه همه ی شیمه پستؤن که جالب هم ایسسن با دققت بخونی.
    لطفاً اگر شمه نم موافقید اطلاع رسانی کنید:تحریم برنج خارجی

    http://guilani.wordpress.com/2009/09/03/tahrim-berenj-khareji/

  2. guilere said

    اگر صفحه رفرش بوکونی. وب دوارستن دورون دینی

  3. guilere said

    در ضمن، من مطالبه دسته بندی بوکودم. مثلا تمام مطالب تاریخی بعد انی نیویسم صفایه تاریخ گیلان دورون اونی لینکه نهم. شومن اگر بیشید می سربرگانی دورون اویه تنید لینک مطالبه بیدینید. اگر RSS هم ADD بوکونید باز راحت تره.

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s

 
%d وب‌نوشت‌نویس این را دوست دارند: